Akranes er okkar bær. Hér viljum við búa og starfa og hér viljum við líka að gestum okkar líði vel.

Á Akranesi bjóðast óþrjótandi möguleikar til afþreyingar, útivistar, fræðslu, skemmtunar, heilsueflingar, listsköpunar, hópeflis og nánast hvers sem hugurinn girnist. Þurfið þið að hrista saman hópinn, fá fræðslu og finna styrkleika ykkar? Viljið þið komast í sjósund, flot eða klifur? Grilla saman undir berum himni? Borða lífræna fæðu framleidda í heimabyggð? Heimsækja listafólk og gallerý, fara á námskeið, iðka jóga og nú­vitund, hlusta á tónlist eða horfa yfir sundin blá úr Akranesvita?

​

Í samstarfi við frumkvöðla á Akranesi tökum við hjá Sif Travel að okkur að útbúa dagskrá fyrir hópinn þinn sé eftir því óskað. Kjörið fyrir vinnustaði, saumaklúbba, vinahópa og árgangsmót. Sendu okkur fyrirspurn á netfangið siftrav@gmail.com og við svörum um hæl. Einnig er hægt að hafa beint samband við þá aðila sem bjóða þjónustu sína hér á síðunni.